Assalom Navruz!!!

 

Tadbir

1-boshlovchi:

Salqin saharlarda bodom gulida

Binafsha labida qirlarda bahor.

Qushlarning ovozi, yellarning nozi,

Baxmal vodiylarda qirlarda bahor.

2-boshlovchi:

Yana bahor keldi yana olamga,

 Ajib bir go`zallik  ajib bir bayot.

Men seni qutlayman shu ulug` damda

Ulug` yelkadoshim muzaffar hayot.

-Assalomu alaykum qalbi qaynoq mehri buloq, so`zlari dur bo`lgan o`qituvchi, ustozlar va bilimga chanqoq o`quvchi yoshlar.

1-boshlovchi:

Qish qahratonidan bezillagan qalblar-u, go`zallikka tashna ko`zlar , mag`rur qorli tog`lar boshidan sizayotgan sho`x jilg`alar, ko`ngillar torini betakror ifori ila mayin chertayotgan  pushtirang bodom gullari, moviy osmon-u undagi qatot-qator turnalarning mahzun nolalari zumrad bahordan darak bermoqda.

2-boshlovchi:

Ha, bahor uyg`onish, yasharish  fasli. Bu faslda yuraklar shodlikka, zavq-u shavqqa  oshufta bo`ladi. Bahor  bayramlar, shodiyonalar fasli.

1-boshlovchi:

Ajib nafosatda uyg`ondi olam,

Tabiat labida xandon tabassum.

Yam-yashil qirlarda Navro`z jilvasi,

Go`dak kulgusidek quvnoq va mas`um.

2-boshlovchi:

Jilg`alar qiqirlar, toydek irg`ishlar.

Boshin ko`taradi maysalar hayron.

Ajib bir chiroyni baxsh etmish olam

Bu kun o`lkamizda Navro`z hukmron.

1-boshlovchi:

Hayotimizning  go`zal onlarini bahor fasliga qiyos etamiz. Negaki, bahor ham yoshlik,  ham go`zallik timsoli.

Ko`hna maskan, ko`hna bir diyor,

Nafosatda tengi yo`q saroy.

Unda hamon yashar bir ruxsor,

Seplari  mo`l fusunkor bahor.

2-boshlovchi:

Bahor  yangilanish, yasharish fasli, o`lkam bo`ylab qanot qoq. Sening tashrifing, qalblarda, dillarda bir  olam orzularni olib kelsin.

Bahor bir sen, quvonch bir sen,

Qalbim ruhi tashrifisan sen.

Qiyosingdir g`uncha misoli

Haroratdir o`tli visoli.

 

 

1-boshlovchi:

Bugun  baxtdan sarmast chehralarda, shukronalik duolarida, sho`x-shodon yallalarda Navro`z shukuhi.

Bugun butun dunyoda go`zal va betakror bo`lgan milliy bayramimiz Navro`z keng va tantanali nishonlanayotgan bir paytda maktabimizda ham bu tadbirning debochasi sifatida  “Har tuning qadr o`libon, har kuning o`lsin Navro`z” deb nomlangan tadbirimizni ochiq deb e`lon qilamiz.

2-boshlovchi:

Tadbirni ochib berish uchun so`z navbatini O`IBDO`  Nazarova M.I.ga beramiz.

1-boshlovchi:

Yana tenglashibdi kecha va kunduz,

Ko`kda nur taratar  yarqirab yulduz.

Lablarda tabassum, aytib shirin so`z

Assalom yangi kun, assalom Navro`z!

Yurtimizga biz orziqib kutgan borliqdagi uyg`onish va yangilanish timsoli bo`lgan Navro`zi olam kirib keldi. Bu betakror ayyomni har bir xonadon, har bir oilada bag`rimizni keng ochib “Xush kelibsan o`lkamga Navro`zi olam, qadaming qutlug` bo`lsin, yurtimizga tinchlik-omonlik  olib kel” deb qarshi olish azaliy odatimizga aylanib qolgan.

     Navro`z  ayyomi  bilan qutlash uchun so`z navbatini maktabimiz  MMIBDO` Yodgorova O.S.ga beramiz.

2-boshlovchi:

Shu  an`anaga sodiq qolgan holda maktabimiz o`qituvchi va o`quvchilari  bugungi tadbirda milly urf-odatlarimizga bir nazar solish maqsadida kuy-raqs, qo`shiq,milliy laparlar, milliy urf-odatlarimizni tarannum etuvchi  dastur tayyorlaganlar. Bu dasturimizda 8-9-sinf o`quvchilarimiz o`rtasida milly taomlar va sahna ko`rinishlari bo`yicha bellashuvlar o`tkaziladi. Bu bellashuvni baholab boradigan hakamlar bilan tanishing. 

1. Nazarova M.I.
2. Yodgorova  O. S.
3. Hayitova Sh.R.
4. Adilova N.R.
5. Qodirova M.Q.
6. Bozorova Z.X.
7. Norova Z.I.
8. Raxmonova M.N.

1 “V”sinf o`quvchilari  ishtirokida  “Ro`molim”raqsi.

1-boshlovchi:

Oq yomg`irlar  yog`moqda sim-sim,

Chor atrof bog`, gul-u lolazor.

Xush kelibsan, mening ilk sevgim

Xush kelibsan, yurtimga bahor!

2-boshlovchi:

Maysalarga boshimni  qo`yib,

Adirlardan to`yaman ifor.

So`ng quvonchdan yig`layman to`yib,

Xush kelibsan o`lkamga  bahor.

1-boshlovchi:

2-boshlovchi  she`ri tugagach , endigi navbat 8- “A” sinf o`quvchilariga!

2-boshlovchi:

                 Bahorning ko`klami sozi  muborak,

                 Qirlarning chiroyi nozi muborak.

                 Yangi kun, yangi yil, yangi tilaklar,

                 Olib kirgan Navro`zi olam muborak.

1-boshlovchi:

Navro`z kelsa sumanbar malak,

Ikki qo`llab tutar  sumalak.

Navbat 8- “V” sinf o`quvchilariga!

2-boshlovchi:

-Navro`z  yashnash, yasharish  bayrami tabiatning uyg`onishi bilan bog`liq yangi kunning boshlanishidir.

 1-boshlovchi:

Qirlarning to`shida eriyotir qor,

Termulib qor kabi eriydir ko`zim,

Horimay, sog`-omon keldingmi, bahor.

Keldingmi, qadami qutlug` Navro`zim!

Navro`zoy kirib keladi.

2-boshlovchi:

Prezidentimiz  I.A.Karimov ta`kidlaganidek “Navro`z  hayot abadiyligining  tabiatning ustuvor  qudrati  va cheksiz saxovatining shu bilan  birga ming yillik milly qiyofamizning  urf-odatlarimizning mangulik ifodasi tasdig`idir”

1-boshlovchi:

Bokiralik timsoli bahor,

Bu go`zallik, yasharish asli.

Tuhfa etar qalbga beg`ubor,

Sog`inchlarni muhabbat fasli.

2-boshlovchi:

Navbatni 9-“A”sinf o`quvchilariga  bersak.

1-boshlovchi:

Surxon o`lkasida  bahor tarovati. Navbat   9 “B”sinf o`quvchilariga .

2-boshlovchi:

                 Quyosh tegrasida aylanib falak

                 Tabiat bezanib, misli kelinchak

                 Bugun yuz ochibdi turfa xil chechak.

                 Assalom yangi kun, Assalom Navro`z!

Navbatni 9-“V”sinf o`quvchilariga  beramiz..

1-boshlovchi:

Atlas kiygan qizlar ko`zga ko`rinar go`zal,

Go`yo atlas yaxshi kuyday e`zozda azal.

Navbatni adrasu atlaslar makoni Marg`ilon joylashgan Andijon milliy ohanglarini madh etish uchun 9- “G” sinf o`quvchilariga beramiz.

2-boshlovchi:

Beshik bilan  bog`liq bo`lgan xalqimiz an`analarini davom ettirish beshik to`yiga keng yo`l ochib berish lozim.Navbatni 9- “D”sinf o`quvchilari ishtirokida  “Beshikka chaqaloqni belash marosimi”ni tomosha qilamiz.

 

1-boshlovchi:

Navro`z bilan keladi shodlik,

Navro`z bilan elda obodlik.

Navro`z kelsa gullaydi bog`lar.

Navro`z kelgach yashnaydi tog`lar.

 Endi 9- “K” sinf o`quvchilari ishtirokidagi yigit-qizlar aytishuviga navbat beramiz.

2-boshlovchi:

Milliy taomlar  va chiqishlarni baholash uchun so`z navbatini hakamlar hay`ati a`zolariga beramiz.

1-boshlovchi:

Marhamat, hakamlar hay`ati  a`zosi Norova Zulxumor Ismoilovna.

2-boshlovchi:

Kelinglar azizlar, har birimiz xalqimizni eng go`zal  va eng ulug` ayyomi Navro`zi olam bilan qutlab, dasturimizga yakun yasaylik.

1-boshlovchi:

Poyi qadamlari, qutlug` mehmonim.

Navro`zing muborak, O`zbekistonim!

 Tadbir

1-boshlovchi:

Bu hayotning ziynati

Bahru bashorat assalom,

San`ati so`z naqshi bu

Nuri hidoyat assalom

Xislati birla jahon

Ahliga ne`mat assalom

Jumlai insonga barobar

Yaxshi odat assalom

2-boshlovchi:

Salomdan avvalo boshlayin so`zni

Ko`ngilni jo`r etib ko`ngil nazmiga

Baxtiyor bu davra chorlaydi sizni

Bu kun o`zbek elim bayram bazmiga

2-boshlovchi:

Bizga ilm  va saboq berib charchamayotgan qadrli ustozlar, qalbi mehrga limmo-lim  muxtarama onalar. Bugungi tadbirimizga xush kelibsizlar! Tadbirimizni ochib berish uchun tabrik so`z navbatini  maktabimiz o`quv ishlari bo`yicha director o`rinbosari  Nazarova Malohat Isomiddinovna va Hayitova Shahodat  Raxmatovnaga beramiz.

2-boshlovchi:

Ayol hayot chashmasi, ayol hayot chirog`i.

2-boshlovchi:

Fidoiylik timsoli

2-boshlovchi:

Marhamat bu bellashuvda qatnashuvchi ustozlarni davraga taklif etamiz. Marhamat ular bilan tanishing.

2-boshlovchi:

Biologiya, kimyo fani  o`qituvchisi  Yavkacharova Zarinabonu

2-boshlovchi:

Jismoniy tarbiya fani o`qituvchisi  Eshmurodova Habibaxonim.

2-boshlovchi:

1.Tanishtirish.

2. “O`qituvchi ona, murabbiy, ustoz” sharti asosida bellashadilar.

3. O`qituvchi oshxonada.

4.Dil izhorlari.

5.Erkin mavzu shartlari asosida bellashadilar.

2-boshlovchi:

Ayol - bu so`z zamirida olam-olam ma`no go`zallik, sadoqat, mehr-muruvvat kabi oliy  hislatlar yashirin.

2-boshlovchi:

Hayotda ma`no-yu mazmun yo`qolar,

Yurak tanholikni kuyini chalar.

Bayramlar-bayramga o`xshamay qolar.

Agar bu dunyoda ayol bo`lmasa.

2-boshlovchi:

Ustozlar 1-shartga tayyorlangunga qadar 6-sinf o`quvchilari ishtirokidagi dilkash raqsga beramiz.

2-boshlovchi:

Baski bu dunyoning moyasi ayol ,

Jami ezgulikning  doyasi ayol.

Ruhni xudo, tanni ayol yaratar.

Xudoning yerdagi soyasi ayol.

2-boshlovchi:

Ayol borki olam munavvar, ayol borki yashaydi inson.

Ayol inson tafakkurining gulshani, fazlu kamolining mehriboni.

Ayol uchun o`z farzandlarining tarbiyalashdan, voyaga etkazishdan buyuk baxt bo`lmasa kerak.

2-boshlovchi:

Endigi navbatni   2-shartga beramiz. 8 “V”  sinf o`quvchilaridan tuzilgan “Zar-shou” jamoasiga beramiz.

2-boshlovchi:

Yurtboshimiz I.A.Karimov ayollar to`g`risida shunday ta`kidlaydi:

“Ayollarni qancha ulug`lasak,  hayotimizning chirog`i umrimizning guli deb e`zozlasak, demakki oilamizni, vatanimizni e`zozlagan bo`lamiz”

2-boshlovchi:

Endi 3-shartga navbatni beramiz. Shartga ko`ra ustozlarimiz oshxonadagi mahoratlarini namoyon etish maqsadida o`zaro bellashadi. Bu shartga  tayyorlangunlarigacha bugun allomalarning ayolga bo`lgan ta`riflarini tinglaymiz.Marhamat.

2-boshlovchi:

Endigi navbat 8- “G” sinf o`quvchilaridan tuzilgan “Qiy-chuv” jamoasiga beramiz.

2-boshlovchi:

Navbatni 4-shartga beramiz.

2-boshlovchi:

Boshimizda tengsiz osmonsan o`zing

Sen-la hayot zamon zamonsan  o`zing.

Odamzodning yarmi ayol bo`lsa agar.

Qolgan yarmin yaratgan insonsan o`zing.

Sen bilan topgaymiz yorug`lik kamol

Ishqda sajdagohsan ey sohib jamol

Yaralgansan faqat  muhabbat uchun

Ular qalbga hokimi mutloqsan ayol

2-boshlovchi:

Endigi navbatni  5-shartga  beramiz.

2-boshlovchi:

Bellashuvni yakunlash uchun hakamlar hay`ati a`zolariga beramiz.

2-boshlovchi:

Sig`may qolsam shunday keng bu jahonga

Osmonlarga ruhim bo`lsa parvona.

Jonsir tanim ustida ham parvona

Onam yig`lar, onam yig`lar onam u.

2-boshlovchi:

Tabrik so`z uchun navbatni maktabimiz ma`naviy ma`rifiy ishlar bo`yicha director o`rinbosari Yodgorova Orzigul Safarovnaga beramiz.

 

«Assalom  Navro`z»  guruhining  saxnalashtirilgan  tadbir ishlanmasi :                                                                                                                         1shart ’’Navro`z ta`rifi’’

  1-boshlovchi (Sarvinoz):

Assalom, ona yurt,tonglar o`lkasi !

Ta`rif  tavsingiz yo`q nihoyasi.

Senga  bag`ishlanur muqaddas qo`shiq,

Bu  O`zbek elining o`z madhiyasi!

 2-boshlovchi (Umid):

Yana ko`ktubida sayraydi qushlar,

Yana ko`xna yam-yashil ko`rpa.

Yana tandan ketdi mudrash-u tushlar,

Yana yoshdek dilda o`ynar ming turfa.

1-boshlovchi (Sarvinoz): Assalomu  aleyko`m fan bog`ining bog`bonlari, mexribon ustozlar hamda qalbi qaynoq, ilmga chanqoq o`quvchi-yoshlar!

2-boshlovchi (Umid): Mana o`lkamizga o`zining zarrin sepini yoyib, husnu tarovatini ko`z-ko`z qilib fasllar kelinchagi Bahoroy kirib keldi.

1-boshlovchi (Sarvinoz): Ha, Bahor uyg`onish, yasharish fasli. Bu faslda yuraklar shodlikka, zavqu shavqqa oshufta bo`ladi. Bahor bayramlar, shodiyonalar fasli.

2-boshlovchi (Umid): Tog`ri aytasiz bahorning ilk kunlaridanoq ko`ngillarda quvonch, beg`uborlik,yaqinda 8-mart “Xalqaro xotin-qizlar”ayyomini nishonladik. Endi esa qadimiy va hamisha navqiron, ulug` ayyomimiz Navro`zi olam eshik qoqmoqda.

1-boshlovchi (Sarvinoz): Har  bahorda Navro`z tantana qiladi. Bahordagi an`ana xalqimizni hech qachon tark etmagan,aksincha. Navro`z sayli yil sayin takomillashib, sayqallanib, boyib borgan. Navro`z ko`p ming yillik tarixga ega.

2-boshlovchi (Umid): Qani bo`lmasa, Navro`z tarixi bilan tanishaylik.

   Saxnada bayramona libosda yettita o`quvchi chiqadi.

 Kamola: Sharq xalqlarining azaliy va adabiy bayrami bo`lgan  Navro`z 4000 yilik tarixga ega   Navro`zning kelib chiqishi va shakllanishi oid qimmatli manbalar Zardushtiylik muqaddas kitobi hisoblangan “AVESTO”, mashhur qomusiy olim Abu Rayhon Beruniy, Umar Hayyom, Abdulqosim Firdavsiy, Nosiriddin Rabg`uziy, Yusuf Xos Xojib, Navoiy kabi mutafakkirlarimizning qimmatli ma`lumotlarda Navro`z  muhabbat, do`stlik, poklik va insonparvarlik sifatida ulug`lanadi.

 Mashhura:   Abdulqosim Firdavsiyning “Shohnoma” asarida keltirilishicha,

 

 

Jamshid (qadimgi Eron shohlaridan biri) temir eritib, qurol yasashni, ip yigirib, kiyim tikishni, uy, hammomlar qurishni ixtiro qildi, so`ng kishilarni o`z qobilayati, hunariga qarab guruhlarga ajratadi.  Nihoyat, bir kuni taxt yasatib unda osmonga ko`tariladi, bu farvardinning birinchi kuni edi. Hamma juda baxtiyor shu kuni yangi yil boshi bo`lib, an`anaga aylanib qoladi. (“Farvariddin” pahlaviycha so`z bo`lib, u hamal burjiga oiddir,  ya`ni bahorning birinchi oyi 21-martdan 22-aprelgacha bo`lgan davrdir.)

 Shahodat:  Abu Rayhon Beruniy “Qadimgi xalqlardan qolgan yodgorliklar ” kitobida quyidagilarni yozgan: “ U kunni “Navro`z” deb atashning sababi Jamshid podshoh bo`lgach, majusiylar dinini yangiladi va bu kun “Navro`z” – “Yangi kun” deb ataldi”.

Ashurov Sh: Sharqning buyuk donishmandi, falakkiyot bilimdoni Umar  Xayyom o`zining “Navro`znoma” asarida “Navro`z” so`zi birinchi marta Zardushtiylik  dinining muqaddas kitobi (er.avv. III-II asrlar) “Avesto”da tilga olinganligini qayd etadi. Navro`z bayram sifatida tilga olingan “Avesto”da inson hayotining mazmuni 3 ma`noda  mujassam topmog`i lozimligi ham qayd etilgan. Bular – ezgu fikr, ezgu so`z, ezgu amallardir.

Shavqiddin:  Navro`z kunida bir  soat bor: shu soat Feruz (baxt falag) ruhlarni maxluqotlarni yaratishga haydaydi. U kunning eng saodatli soatlari quyosh soatlari. Uning tongida yorug`lik imkoni boricha yerga yaqinlashadi, odamlar unga qarash bilan o`zlarini baxtli sanaydilar.

Akmal:  Biz ko`hna tarix sahifalariga Navro`zni Izlab sayir etar ekanmiz, nigohimiz XII  asrning mashhur tilshunos olimi                         M.Koshg`ariyning  “Devonu lug`ati turk” sahifalariga tushadi. Chunki jahonga mashhur bu asarida Navro`zni insonlar qalbidan joy olgan qo`shiqlarni talqin etadi.

Rasul: Tarix, zamonlar, asrlar guvohki, Navro`z ezgulik, poklik, muhabbat timsolida ulug`lanib, nihonlanib kelinmoqda. Hamisha shoirlar Navro`zni maxf etib keladilar.

Tongni uyg`otib,

Dilga so`z keldi.

Dilni kuylatib ,

Gul Navro`z keldi.

1-boshlovchi (Sarvinoz): Qoyil agar Navro`z haqida ta`riflar yodlanadigan bo`lsa unda Lutfiy, “Gul va Navro`z” dostonni yozib mamlakatga osoyishtalik, mehnatkash xalqqa farovon, baxtli, saodatli hayot tilardi.

2-boshlovchi (Umid):  Alisher Navoiy Navro`zni samimiy sevgida, Farhod-u Shirinlarning, Layli-yu Majnunlarning otash qalbida izladi.         

1-boshlovchi (Sarvinoz): Xullas, Navro`z Beruniydan Durbekka qadar, Navoiydan Nasimiygacha, Zulfiya, Abdulla Oripov, boringki, qaysi  bir ijod ahlini oling, Navro`zni  tarannum etmagan bo`lsa.

 

 2-boshlovchi (Umid): O`rtoqjon, keling, endi navbatni xalq qo`shiqlariga beraylik.

2 – shart “Raqs”

                  2 – shartda o`quvchilar sumalak raqsini ijro etib beradilar.

 

3 – shart “Milliy udum va o`yinlar ”

 

                    Aytishuv(qizlar va yigitlar o`rtasida).   

Yigitlar (Umid): Anor ekan joyning ichin o`ydim-o`ydim,

                            Qizlar ziyofati uchun serka so`ydim.

                            Sen esimga tushganingda dol bo`yida,

                            Ichib turgan choyimni yerga qo`ydim.

Qizlar (Sarvinoz): Kun isisa, suv bo`yida salqinlaymiz,

Betni yuvsak, oydek bo`lib yarqillaymiz.

Navbahorda o`lan degan ko`p bo`ladi,

                            To`ylab yursak siz chechanga yaqinlaymiz…

    Yigit va qizlar aytishuvi avliga chiqqan mahal sahnada Bahoroy va Navro`zjonlar paydo bo`ladi.

Abdurasulov Sh: To`xtanglar, biz tomon kelayotgan kim bo`ldi?      

Mashhura: Iye, tanimadingmi, ular har gal qarshi oladiganimiz Bahoroy va Navro`zjonlar-ku!

Hamma: Xush kelibsan ,Bahoroy, Xush kelibsan, Navro`zjon.

Bahoroy:                                         Mana men go`zal bahor,

Yetib keldim sizlarga.

Jon kiritdim daraxtlaru,

G`unchalar,ildizlarga.

Oppoq o`rik gullarim bilan,

Iliq quyosh nurlarim bilan.

Yashillanib,goh olovlanib,

Kamalekdek ming xil tovlanib

Mehmon bo`lib keldim sizlarga.

     Navro`zjon: Assalomu aleykum beg`ubor qalblari o`yin kulguga, qo`shig`u raqsga, san`atga ixlosmand, xadrli yoshlar! Mana o`lkamizda so`lim bahor. Hammayoqda go`zallik, yangilanish,yasharish. Yoshu-qari,barcha-barchaning qalbida shodlik,beg`uborlik. Yurtimizning har bir go`shasida, har bir mahalla, xonadonida baxtiyorlik, quvonch, sho`x kuy va qo`shiqlar avjida.

      Bahoroy:Nimasini aytasiz. Hazrat Alisher Navoiy aytganidek,Har tuning qadr o`lubon,Har kuning o`lsun Navro`z! Azizlar, biz sizning Navro`zni, bahodirni maxf etuvchi qo`shiq va raqslaringizni miriqib tomosha qildik, endi xalqimizning Navro`zga oid qanday milliy an`ana  va  udumlarni bilasiz?

Sarvinoz:Navro`zda o`tganlarni xotirlaydilar.

Shahodat: Navro`zda qarindosh-urug`larnikiga boriladi.

Mashhura: Navro`zda qariyalarga bayram taomlari jo`natiladi.

Rasul: Navro`zda g`iybat qilinmaydi.

Shavqiddin: Navro`zda   otni ,itni urmaydilar.

Sherzod: Navro`zda    bug`doy undirilib, sumalak pishiriladi.

Ashrov Sh: Navro`zda   yangi liboslar kiyiladi.

Abdurasulov Sh: Navro`zda   yaxshi niyyatlar qilinadi.

Umid: Navro`zda   ko`cha va dalalar tozalanadi.

 1-boshlovchi (Sarvinoz):  do`stlarim kelinglar, Navro`zda   o`ynaladigan o`yinlarni o`ynaymiz. 

Qizlar:kim oladi-yo, kim oladi deb o`rtaga ro`molchani tashlaydilar.

Keyin Rasul va Akmal men olaman-o shuginaniyo deb,ikkovlari ham yengiladi.Shunda polvon bobo bolalar bilan so`rashib, ro`molchani oladi va bolalar  polvon boboni maxtashadi.

  Polvon bobo: Qani,men bilan kim sinashadi?

O`zbek kurashi polvonlaridan biri (Shavqiddin): Mana,biz bor deydi va u boboni hurmatini qilib, yengilib beradi va bobo ketadi.

Navro`zjon: Ofarin bolajonlar,siz rostanam o`z milliy urf-odatlringizni qadrlar ekansiz.

Bahoroy: Navro`z shunday bir xalq bayramiki, u faqat hamma davralardan shodiyonalargina, farovonliklargina, baxt-iqbolga daxldor onlarnigina      saralab oladi, o`ziga singdiradi,doimo boyib boradi. Shu bois ham Navro`zga to`ylar ulanib ketadi.

Shunda bolalar Navro`zjon va Bahoroy bilan xayrlashadilar.

Qizlar (Sarvinoz): Balli, yigitlar, endi bizga ruxsat. Bugun biz mahallamiz faxri-onaxonimiz Rizvon buvinikiga Navro`zning shoh taomi sumalak pishirmoqchi edik.

 Yigitlar (Umid): Ho-o,shunday ketari yo`q,biz sizlarga bayram uchun shuncha ntomosha ko`rsatdi, siz ham biz uchun biror sovg`a tayyorladingizmi? 

Qizlar Navro`zga xos bo`lgan milliy laparlardan “Yallama-yorim”ni, xalq qo`shiqlaridan “Do`ppi tikdim”ni ijro etib, raqsga tushib beradilar. So`ng yigitlardan ruxsat so`rab uyga ketadila.

  Sherzod:Qizlar sumalakka ketdi,endi biz nima qilamiz?

  Rasul:Biz ham ketamiz.

  Shavqiddin:qayoqqa?

  Umid: Ko`pkariga.Unda mening bobom ishtirok etadi.

1-boshlovchi (Sarvinoz): Kelinglar, endi Navro`zni qutlab,dasturga yakun yasaylik.

Hamma:Poyi qadamlari, qutlug` mehmonim,

Navro`zing muborak, O`zbekistonim.

 

Rayhongulim.

 

Bog`da o`sadi bir gul,

Atalarmish Rayhongul.

Rayhongulning oldida,

Atirgul ham hayrongul.

 

Rayhongul so`lim-so`lim,

Ko`rib quvnaydi dilim.

Hidlayman to`yib-to`yib,

Qarayman mehr qo`yib.

 

Gullarimni sevaman,

Ular go`zallik ramzi.

Gulni sevgan insonning,

Gul kabi toza qalbi.

 

                    4-“A” sinf o`quvchisi

                   Shirinboyeva Sevara.

Mening  onajonimdir.

 

 

Sabru   bardosh  timsoli,

Mehru  chashma  bulog`i,

Bag`ri  baxtimning  bog`i,

Sizsiz-  onajon  onam.

 

Mehnat  qilib  tinmagan,

G`iybatlardan  sinmagan,

G`mgaboshin  egmagan,

Sizsiz  onajon  onam.

 

Go`zal  erur  gullardan,

Xushovoz,  bulbullardan,

Qaddi  rost  bulbullardan,

Sizsiz-  gultojim  onam.

 

Baxtsizlikni  baxt  qilgan,

Yaxshilikni  kasb  qilgan,

Kamolimiz  taxt  qilgan,

Sizsiz -  quyoshim  onam.

 

Ruhshunos  tabib  o`zi,

Dardim  ko`rar  qalb  ko`zi,

Dori ,  malhamdir   sozi,

Sizsiz -  farishtam  onam.

          

Boshlang’ich  sinf o’qituvchisi

Xolova Salomat

 

      O`zbekiston.

 

Nurli bo`ston,hur guliston

Go`zal gullar chamaniston

Quyoshli yurt bo`lgin omon
O`zbekiston,O`zbekiston!

 

Tog`lar oshib,qirlar oshib,

Senday yurtni topolmasman,

Yurtlar ichra jannatmakon

Jannat yurtim O`zbekiston!

 

Bobolarim ko`p ulug`dir

Yoshlar qadami qutlug`dir

Yaxshilarni suygan makon
Faxrim mening O`zbekiston!

 

Bog`-chamanda bulbul sayrar.
Qushlar qo`shiq aytib yayrar.

Senga ming tashakkur aytar

Go`zal maskan O`zbekiston!

            

5-“A”-sinf  o’quvchisi

Baxtiyorova  Umida

Vatan

Yaxshiyam sen bor Vatan !

Ko’nglimdan tomgan har bir so’zim

Sen uchun Vatan O’zbekistonim!

Dilimning aksi qarog’im,ko’zim

Yana vatan deydi Nurli bo’stonim!

Hayqirganda tog’lar jumbushga kelib,

Yurtim nidosidan hayratda qolsin

So’ligan gullarga hayot baxsh etib,

Hayot gullari-chun vatanim bo’lsin.

Hayotning mehvari gultoji o’zing

Sensiz uyqu yo’qdir mungli ko’zimga

Sensiz hayot yo’qdir,yo’q mangu so’zing

“Vatan” so’zi yetmaydi hech bir so’zingga

Gulning vatani gulbog’I bordur,

Atirgul unar, so’nar o’sharga

Vatani yo’qchi, nimasi bordur?

O’limi yetgach so’ng borar qayerga?

Hatto vatani bordur hur bulbulning

Chamandan uzoqlashsa bag’ri bo’lar qon.

Yaxshiyam sen borsan she’riy mulkimning,

Hur gultoji bo’lgan sen—O’zbekiston! 

 

         Sa’dullayeva  Mohinur.7-“A” sinf             

     Нон

 

Менинг ушоғим ҳам нон

Билсанг сен агар Маннон

Нонни эъзозла ҳар он

Шунда увол бўлмас нон

Тушса агарбурда нон,

Олиб қўйгин у ҳам нон.

 

            Маънавият  дарсида.

 

Бор унда зўр мавзулар,

Ўтамиз ҳафта кунлар,

Ҳар ҳафта жума бўлар,

Айтилар шундай сўзлар

Раҳмат,ҳурмат,марҳамат

Дарсимиз маънавият.

 

5-“А”синф ўқувчиси  Тилавова Севара

 

Мактабимизнинг зукко ва билимдон ўқувчилари иштирокида тез-тез турли мусобақа ва беллашувлар ўтказиб турилади. Математика ва информатика фани ойлигида “7х7” номли билимлар беллашуви бўлиб ўтди. Унда 7-“В”синфнинг “Ал Хоразмий” ва 7-“Г”синфнинг “Математиклар” гуруҳлари ўзаро 7 та шарт бўйича математика фанидан олган билимларини синаб кўришдилар.

Ўзгача руҳда ўтган беллашувда барча берилган шартларда юқори балл тўплаган “Ал Хоразмий” гуруҳи ғолиб бўлди.

   Беллашувни ташкил этиб, ўқувчиларни тайёрлаган ҳамда, унинг қизиқарли ўтишида ўз ҳиссаларини қўшган мактабимиз математика фани ўқитувчилари Абдуллаева Марҳабо Махмудовнага ва Қодирова Мартабаларга ўз миннатдор-чилигимизни билдирамиз.

 

7-“В”синф “Ал Хоразмий ”гуруҳи

ўқувчилари

Республикамизда ўқитувчиларнинг ўз иқтидори ва истеъдодини намоён қилиши учун ўтказилаётган танловлар ҳар бир педагогнинг ўз устида ишлашга ва билимини оширишга ундамоқда. Ўзбекистон Республикаси халқ таълими вазирлиги томонидан умумтаълим муассалари ўқитувчилари ўртасида “Энг яхши электрон ахборот-таълим ресурслари”кўрик-танлови ўтказилди. Танловнинг республика босқичида мактабимиз иқтисод фани ўқитувчиси Исаев Э.И назорат қилувчи дастурлар ва ўқув жараёнини автоматлаштириш номинацияси бўйича   ”Тест дастури”,  

9-“Б”синф ўқувчиси Искандаров Жавоҳир “Электрон ўргатувчи дастурлар” (видеоролик,дидактик материаллар) номинацияси бўйича”Ханой”минораси ўйин дастури билан қатнашиб 4 ўринга сазовар бўлишдилар ва халқ таълими вазирлиги томонидан фахрий ёрлиқ ва қимматбаҳо совғалар билан тақдирландилар.

Ҳар қандай билим баҳсларда синалади. Шу маънода ўтган ўқув йилидан бошлаб халқ таълими тизимида умумтаълим мактаблари ўқувчилари ўртасида ”Билимлар беллашувини” ўтказиш жорий қилинди. Асосий мақсад умумий ўрта таълим мактабларида ДТСда белгиланган талабларнинг бажарилиш ҳолатини мунтазам ўрганиб, таҳлил қилиб бориш, ўқувчилар билимларидаги бўшлиқларни аниқлаш ва уларни тўлдириш чораларини кўриш, иқтидорли  ўқувчиларни излаб топиш, уларнинг қобилиятларини рўёбга чиқариш, ҳар бир мактаб, ўқитувчилар ҳамда халқ таълимининг жойлардаги бошқарув идоралари фаолиятига баҳо бериш ва рейтингини аниқлашдир. Яқинда 2012-йил ўтказилган “Билимлар беллашуви” нинг 2-шаҳар босқичида мактабимиз шарафини ҳимоя қилиш учун 26 нафар ўқувчи фаол иштирок этишди ва 6 нафари 3-вилоят босқичида қатнашиш учун йўлланма олдилар. Булар: 7-“А” синф ўқувчиси Ибрагимов Ш; 7-“Б”синф ўқувчиси Холмуродова М; 8-“Б” ўқувчиси Норқулов Ш; ; 8-“Б” ўқувчиси Ҳазратов О; 8-“Г”синф ўқувчиси Исомуродова Ш; 6-“А” С.Нарзуллаева.лар шаҳарда 1-ўринни қўлга киритдилар.

 Эришилган ушбу катта ютуқ таълим муассасамизда зиммасидаги юксак масъулиятни дилдан ҳис этган, шогирдларига пуҳта сабоқ берган, фидойи ўқитувчилар фаолият кўрсатаётганлигининг ёрқин далилидир. Азиз билимдон ёшлар!Биз аминмизки, сиз яқин келажакда нафақат вилоят миқёсида,балки республикада ҳам юксак ўринларни эгаллайсиз.Жаҳон узра зингизнинг буюк аждодларга муносиб ворис эканлигингизни амалда исботлайсиз. Омад сизга билимдонлар!

 

 Рус тили ва адабиёт фани  ўқитувчиси Холиқова И. М.

 

  

                                                     Ҳазрат  Навоийни  ёд  айлаб.

 

Мустақил  ҳур  Республикамизнинг барча гўшалари    сингари   бизнинг  Зарафшон  шаҳар   8- умумий  ўрта  таълим  мактабида 9-  феврал  ғазал  мулкининг  султони Мир Алишер  Навоий  таваллуднинг 571 йиллиги  кенг  нишонланди.   Она тили  ва адабиёт   дарсларида  очиқ  дарслар  ташкил  қилинди. Шаҳар Маданият  ва спорт  ишлари бўлими   билан ҳамкорликда Ҳазрат  Навоийга  ҳурмат  ва  эҳтиром  рамзи  сифатида  “ Ҳазрат  Навоийни  ёд  айлаб” мавзусида  ғазалхонлик  кечаси  ўтказилди.

     Maктаб  фаоллар  зали  миллий руҳда безатилди . Алишер Навоийнинг  шоҳ  асари  ҳисобланган “Ҳамса” достонидан ўрин олган  “Ҳайрат-ул -аброр” ,“Фарҳод  ва  Ширин ” ,“Лайли  ва Мажнун” , “  Сабъаи сайёр ”, “ Саддий  Искандарий”  достонлари  қаҳрамонлари  саҳнада акс  эттирилди.   Тадбирга   шаҳар  Камолот  етакчилари , “Қурувчи” маҳалла йиғини фаоллари   таклиф  қилинди . Тадбирда Алишер  Навоий  қаламига  мансуб  ғазаллар  , рубoий  ва  туюқлар  ўқувчилар  томонидан   зўр  маҳорат  билан  ижро  этилди . Mактаб  мусиқа  фани  ўқитувчиси  Охунова Р томонидан куйланган  Навоий  қаламига  мансуб  “Фидо” ғазали  тадбир  иштирокчиларига  манзур  бўлди. Ҳазрат  ҳаёти ҳақидаги   саҳна  кўринишлари ,   Гули  ва Навоий  монологи  тадбирнинг  асосини  очиб  берди  . Тадбирда 8-Б синфнинг билимга  чанқоқ адабиётни  севувчи  Сафоева  Шодия ,Актамова Меҳринисо , Носирова  Рўзигул  , Темиров  Санжар , Худоёрова Турсунтош ,   Сафарова  Маржоналар  фаол  иштирок  этишди.

Ғазалхонлик  кечасига  ташриф  буюрган  меҳмонлар   ўзларини худди  Навоий  яшаган  ижод  қилган  даврга  тушиб  қолгандек бир  лаҳза  бўлсада Навоий билан ҳамнафас  яшагандек ҳис  қилишди  .

 Тадбир  барчада  катта таассурот қолдириб , қалбларга  завқ  улашди.

 

Мактаб   АРМ мудираси

Ширинова У.Н.

Миллат манглайида порлаган қуёш

 

Навоий ҳаётининг асл мазмунини одамларга яхшилик қилишда деб билган . У умр  бўйи  етим-есир , бева -бечора , ногирон ва муҳтожларга мурувват кўрсатиб келган, эл-юрти учун ўз ҳисобидан мадрасалар, шифохона, ҳаммомлар, йўл-кўприклар, боғ-роғлар бунёд этган, илм фан ва маданият аҳлининг чинакам ҳомийси бўлган, шунинг учун ҳам биз Навоийни одамийлик сифатидаги улуғ шахс деб атаймиз.

Навоий яхшилик ҳақидаги бир байтида шундай дейди:     

Яхшилик гар қилмасанг, бори ёмонлик қилмаса,

Ким ёмонлик қилмаса  қилғонча бордур яхшилик.

ондошларини бир-бирига нисбатан  меҳр- муҳаббатли бўлишга чақиради.

               

     ЎИБДЎ:                  Назарова М.И